y volver, volver, volver.....a Lizaso otra vez.....

Bada data bat batek baino gehiagok aspalditik egutegian markatuta duguna, urriak 28, San Simon eta San Juda eguna, gaurkoa.

(mileske bideoagatik muxer, nabari da erdi Lizasotarra zarela ;) )

Askorentzat izango da gaurkoa astelehen gogor xamarra ( ziurrenik eskola batean baino gehiagotan bideo eguna izan dela gaurkoa...eta agian biharkoa ere..)

Neretzako itzulera eguna. Asteburu intentso hau eta gero berriz alemandarrengana, nach Deutschland. Maleta energia positiboz beteta eta nola ez Garaziren kantaz gainezka, pozik, oso pozik pasa ditudan egunekin, lo gutxi eginda baina benetan ongi aprobetxatuta!!

Poliki poliki tokia hartzen ari naiz hiri berri eta ezezagun hontan baina atzean utzitakoa beti gogoan, guk kantatzen dugun bezala...

....

 y volver, volver, volver

a Lizaso otra vez

....

Lehenago bixitan etortzen ez bazarete behintzat, Olentzerorekin batera agertuko naiz berriz ere lur haitean!

muxu bat denentzat eta milesker!!

Bastalenia

Bastalenia izan zen ni bizi izan nintzen lehenengo  etxea. Nahiz eta gazteegia izan hortaz gogoratzeko badira bizpahiru………………………… (hain dira berexiak ez dudala adjektibo egokia aurkitzen, beraz norberak nahi duena jar dezala, ziurrenik edozein jarrita ere, neurri batean behitzat asmatuko duela) tarteka gogorarazten didatenak. Egia esan, broma bezala hasi zen hura, baina azken finean kariño berexia diot harri.

Bastalenia_Lizaso_Egia_Schwäbisch Hall_Stuttgart.

Duela pare bat aste nago Stuttgarten eta dagoeneko bi etxe ezberdinetan bizi izan naiz, eta espero dezagun hirugarren bat ere egon dadila!

Hiria zoragarria, ezagutzeko aukera izan dudan neurrian behintzat.

Lanean ongi. Egia esan ez nuen uste AutoCADekin borrokan pasatako ordu guzti haiek hainbeste eskertuko nituzkeenik. Hala ere, dagoeneko ikasi dut Alemanez nola den error fatal…

Bestalde hizkuntza. Bastaleniako sukalde hartan komunikatzeko erabiltzen nituen baliabide antzekoekin nabil hemen ere. Han ikasi nuen, hemen ere lortuko dut (momentu honetan Mexikon oporretan dagoen norbaitek errango lukeen bezala) Scheiße Deutsch hau menperatzen. Nahiz eta atzerritarren desesperazioa haunditzearren tarteka hitzak asmatzen dituztenaren susmoa dudan, ezin esan alemandar hauek nirekin gaizki portatzen ari direnik, momentuz behintzat, arrunt jator!

Hala ba, gaurkoz nahiko, txintxo ibili eta hurrengorarte!

aspaldiko partez egunon nere blog maitea

Batek baino gehiagok esan dit azken aldi honetan abandonatu xamar zaitudala…. eta ez dut ezetzik esango, barkaidazu nire blog maitea.

Badut kontu ta komeri dexente zuri kontatzeko, baina poliki poliki hasiko naiz.

Izan genuen ba, aurreko hilabetean oso irakasle on bat, gure Gunther xaharra. Hartzen nion antza bai arkitektura ikasten nuen garai haietan izan genuen beste irakasle bati. Han egoten ginen  gu, gure arreta guztia jarrita detailerik ez galtzeko, ume txikiak aiton amonei kontuak entzuten dizkien bezala… gogoratzen naiz azken klase berezi bat prestatu zigula, bizitzaren inguruan.

Gure Gunthelek ere zerbait berexia prestatu zigun, nola ez. Egun hartako gaia, die Nebel. Lainoa. Hainbat eta hainbat gauza ekarri zizkigun burura lainoak. Laboaren kantuak dioen bezala… Maite ditut maite gure bazterrak, lanbroak izkutatzendizkidaenan…

Sortu zuen edo genuen atmosfera berexi bat, zer ote dagoen lainoaren atzean, zergatik den hau hain mistikoa … eta 4 orduren buruan, bukaera bezala non erraten digun…

Nebel aldrebes irakurrita, Leben.

Lainoa eta bizitza, bizitza eta lainoa, ongi pentsatuta, lotura berexia bezain sendoa.

hurrengorarte lagunak!!

Taldea bereiztear dagoen egun hauetan, beste arrazoi batzuen artean, besteek idatzitakoa ulertuko ez dutelako, sarrera bat zuretzat.

bazoaz. agur. ongi izan eta zaindu zaitez.

Aurrean duzu aukera polit bat hasi berri duzun bidea nahi bezala aurrera eta atzera ibiltzeko, zerorren bidea da ta!

Harrokeria haundia ez bada, elkarrengandik asko ikasi dugula erranen dut. Hementxe gordetzen ditut nik ikasitakoak, nire SHeko terraza honetan, ze azken finean nirea bezain zurea izan da azken aste hauetan.

Besta on baten ordainetan joango gatzaizu bixitan, nola ez!

bazoaz. agur. ongi izan eta zaindu zaitez.

Sommer Fest ofiziala

kontatu nizuen ba zerbait Sommer Fest inguruan...gaur argitaratu dute Goethe Institut-etik bideo ofiziala, beraz berandu baino lehen hemen duzue ikusgai!

berlin in einen Satz

Lehenik eta behin, eskerrikasko nahiz eta urruti egon, bidaia borobila izan zedin lagundu zenidatenei, espero bezala informazio bikaina pasa zenidatelako, aspaldiko partez besakada bat zuentzat.

Asteburu honetan Berlinera bidaia express bat egin dugu. Gauza asko ikusi eta bizi izan ditugu baian hainbat eta hainbat sakelean gordeta ditugu hurrengo baterako.

Bidaiaren izaera xelebrearen inguruan idaztea arrunt zaila egiten zait eta bide batez egokia iruditu zait joku hau:  bidaiko lagunei orri txuri bat pasa nien izenburu honekin “ Berlin in einen Satz” hemen duzue emaitza.

Berlín: metrópolis, ciudad-estado, capital repleta de museos, parques, bares y monumento, ¿qué más puedes pedir? 

Ha sido Berlín para mí como esa chica fulgurante que ves pasar una noche y la recuerdas durante mucho tiempo. Berlín ha sabido sobrepasar a la historia y ser algo más que un simple cúmulo de edificios, gente y  polución para llegar a ser un emblema, un sentimiento e incluso una forma de vida.

Si alguien necesita buscarse, en Berlín se va a encontrar.

In Berlin gibt es mehr Menchen als Bier_ und es gibt viel Bier!

Ich konnte in Berlín spanisches Essen genießen. 

Obwohl Berlin grau un dunkel ist, konnte ich die Helligkeit fühlen.  

Wir sind seht dankbar mit Teresa, weil sie unsere beste Reiseleiterin war, außerdem konnten wir das Bild des ZEKIs finden. 

Berlin is sehr rein un ruhig. Gut Ort für leben. 

10 lagun etorri ginen Nafarroatik eta 3 bakarrik animatu gara Berlin ezagutzera. Bidean Ramón, Alberto, Katy, Gillermo elkartu zaizkigu eta izugarrizko asteburua pasa dugu. 2 egun pasa ditugu Berlinen baina jende askok aste batean ikusiko zituen gauzak ikusi ditugu. Horren kulpa handia Teresak eta Javik izan dute. Eskerrik asko bihotz bihotzez bidai hau hain interesgarria eta aberasgarria izateagatik, beti oroituko naiz bidai honetaz.

Espero dut lata gutxi eman izatea eta nirekin gustora egon izana.

Filtros_orejas duras. 

Bide batez bidai luzean egindako zenbait argazki gehitzen dizkizuet.

euri tantak

Zergatik idatzi, ba euria egin duelako, euria, herrimina ………..batek daki.

Azken aldian ugariak dira berriak, batek Vorstellungsgespräch duela, besteak praktikak lortu dituela … Jakina den bezala, holako berri onak irenstea zaila izaten da. Beraz, ohitura bilakatu da notizik dakartzanak nire terraza polit hontan kubata batzutara gonbidatzeak. Hau da hau sufrimendua lagunak!! ;)

Horrela ba, euri tanta artean gabiltzan egun honetan, jada taldearen erdiak praktika hitzartuak dituela esan daiteke. Esan beharrik ez dago oraindik hoberenak, guapoenak, azkarrenak eta eztakitzenbatgauzaonenak falta garela!  (nabari da amona urruti dudala bai, ikusten duenak mesedez eman diezaiola muxu bat nire partez) baina iritsiko da eguna non ospakizunak gure kontu izango diren!

Bidenabar erran nahiko nuke bihar etorriko omen dela lehenengo bixita Schwäbisch Hallera eta dirudienez hurrengo egunetan gehiago izango dira bidaiatzera animatuko direnak. Norbaitek ulertu nahi izan badu hortxe du gonbidapena.

Muxu bat eta txintxoak izan!

y amanece en Castrourdiales............

Atzo, edo hobe esanda gaur, hona etorri nintzenetik lehenengo aldia da egunsentia ikusten dudala. Egun berri bat.

Aitzakia honekin eta gure joku  baten hildoan gaurko notizik.

“Amanece en Castrourdiales  y empieza a haber más lobos que aldeanos, no está muy claro quien es el vidente y quien la bruja o si alguien tiene más de una carta, pero el juego sigue con 3 nuevos jugadores…”

Azkenik denak Schwäbisch Hallen.Ongi etorri!

Aurreko sarrera batzuetan parte hartzaileen inguruan zerbait (nahiko gutxi egia esan) komentatu izan dut, baina hemen Herr Kelzoren aportazio bat. Fodo Lopez. Bide batez, zorionak bihotz bihotzez.

Barkatuko didazue sarrera aldrebes xamar honengatik, baina egunsentian, Bier batekin (nola ez nire Partnerinekin) mundua konpontzeak zuei idazteko beharra sortu dit.

Muxu bat eta hurrengorarte!

zortziko dantza teil 2

Ezer baino lehen baimena (eta barkamena) eskatu dantzari guztiei, teknika gutxirekin baina bihotzez egindako dantza saioa izan zen.

Hemen agindutako bideo, espero dut alemaniar serio hauei gustatu bezain beste gustatzea!

Esker mila Unairi, atxandostiasumonegrodelamakina grabatu zuelako, MM-ri postprodukzio lanengatik eta izan duen pazientziagatik eta nola ez dantza egin zuten guztiei! 

zortziko sommer fest from teresacuesta on Vimeo.

zortziko dantza teil 1

Atxagaren Mo behiak errango lukeen bezala.... karral karral karral karral (eskerrikasko zuzenketagatik)... 5 ordu.  Alemaniar enpresari batzuekin „bilera“ izan dugu......ulertezina.

Baina oraingoan beste gai baten inguruan idatzi nahiko nuke.

Hay k dejar huella…. Huella bai, baina zenbateraino sakona??

Alemania osoan eztakit, baina Schwäbisch Hallen famatuak gara dagoeneko “die Baskiche Grouppe”.

Herenegun Sommer Fest. Hemengo eskolak urtero ekitaldi bat antolatzen du herritar guztientzat. Ikasleek (nahi duenak) bere herrialdeko janari tipikoren bat presta dezake edo ikuskizunean parte hartu. Bat gutxi izango zela ta guk biak, sangria kubo (pozal ultzamarrentzat) ederrak prestatu eta dantza egin. Ikuskizuna…..Burgermeister jaunak errango lukeen bezala….la liamos petarda.

Besterik gabe, hemen gaurko egunkariko linka (argazkia hemen behekoa) iruñeko kontaktuak lanak egin bezain pronto bideoa izango duzue!

mix kulturala

Tarteka Alemaniara ekarri gintuen helburua ahaztu zaigunaren susmoa dut, baina amatxok duela gutxi erran bezala… “uda da eta egoera aprobetxatzeak merezi du”.

Hala ba, astearte burusoil batean (ikusten duzu usurbildarrez ere gogoratzen naizela ;) ) zer egin eta kultura nahaste bat proposatu genuen.

Sushi-tortila afaria

Hor elkartu ginen  wohneim 12-n, dagoeneko bazkarimerenduafarifesta eta bestelakoen epizentru bihurtu denan. Egia esan ez nintzen harrituko Sommer Fest hemen egitea proposatuko balute!! Hurrengo post baterako oina da azken hau.

Behin afal ordua adostuta dena ezin hobe joan zen. Yumiko, Saiuri eta Mohitok irakasle lanak egin zituzten (pazientzia ederra behar izan zuten egia esan)  baina moldatu ginen euskalduntxoak Sushia egiten!!

Bitartean hamarrenbat patata tortila (pila pila pila patata tortila, ilargiraino eta buelta) prestatu genituen denen artean baita ere.

Ta bat-batean non agertzen zaigun bere puntualtasunarekin gure Ivan kroaziarra tarta eta Bier mordoarekin….eta “zenbait” purotxorekin…

Alles lecker lecker!

Esan beharrik ez dago uste baino gehiago luzatu zitzaigula gaua.........

Hurrengo post batean argazkiak. Hurrengorarte eta muxu bat denentzat!!

die Leute

Igandea. Terrazan gosaldu. Iban lagun kroaziar berriarekin hitz egin eta bazkaria prestatzen didaten bitartean ;)  , lerrotxo batzuk zuentzat.

Lehenengo lana, Herr kelzo -ri eskertu nahiko nioke jaio berria den blog honetan eskua sartu izana eta diseinu berriaren sortzaile izatea. Beste batean luzatuko naiz honen inguruan izan ere gaurkoan badut beste gahi bat buruan: 

Alemaniarrak.

Atzo hainbat ezusteren ondoren (hobe horrela uztea, ez da zertan dena kontatu behar) zenbait Alemaniarren laguntza behar izan genuen. Hona hemen emaitza:

Denek ahalik eta argibide hoberenak eman zizkiguten, gizon batek bere autoan 15 minututara zegoen toki batera eraman gintuen, argitu nahiko nuke etzetorkiola bidenabar eta guk ez geniola eskatu. Taxista batek bide erdian (agian bi herenetan) taximetroa gelditu gehiago kobratu nahi ez zigulako eta Mercedes-Benz museoan (UN studio) emakume batek soberan zuen sarrera bat oparitu zigun.

Pentsa ezazue orain, zuen herri edo hirian, 5 gazte alemaniar aurkitzen dituzuela, erdera juxtu batekin, eta laguntza bila. Zer egingo zenukete??

Lagunak………badugu zer ikasi…..

sarrera

Bada astebete baino gehiago euskaldun talde bat Alemaniara iritsi ginela hizkuntza xelebre hau ikasteko intentzioarekin.

Blog hau sortzeko ideia bueltaka neukan buruan duela egun batzuk eta atzo Frau Cavidan-ek irakatsitako Alemaniar esaera zaharrak dioen bezala : Morgen, morgen, nur nicht heute, sagen alle faulen Leute. Hementxe kontuk eta komerik.

Blog honen helburua, norbaitek atzerrian dauden euskalduntxo batzuen berri izan nahiko balu, tarteka lerrotxo batzuk irakurtzeko aukera izatea besterik ez da.

Egun hauetan hainbat eta hainbat pasarte xelebre bizi izan ditugu (esan beharrik ez dago askotan gu pertsonaia nagusiak izan garela. Lagun batek askotan erraten didan bezala, hay que dejar huella, ba hemendik mezu bat hari, lasai egon, dagoeneko bidea markatzen hasiak garela) hauen inguruan idatziko dut beste batean.

Besterik gabe aurkezpen post hau ixtera noa, lehenengo sarrera hau nirea bada ere, idazteko gogoa duen edonori pasatzen diot hitza.

Besterik ezean, neronek jarraituko dut idazten.

Aufwiederschreiben!

                                                                                                    argazkilaria: Manu jauna